天氣一開始轉涼，街邊就有賣炒栗子嘅小販，當中點少得熱辣辣嘅鵪鶉蛋。人類同鵪鶉關係密切，因為鵪鶉繁殖效率高、飼養簡單、體型小，係十分理想嘅食用家禽。另外，鵪鶉被用作實驗動物已經有長久嘅歷史，如遺傳學、營養學及藥理學等。
今次相中嘅主角係日本鵪鶉，屬於雉科中嘅小型鶉類，廣泛分佈於中國及東南亞地區。雖然人工繁殖技術十分成熟，但野生日本鵪鶉嘅保育狀況係屬於近危級別。
佢地性格怕醜，而且有好強嘅保護色同大自然融為一體，好容易忽略咗佢哋嘅存在，但當你發現腳邊有一粒飛彈突然射出飛向好遠嘅地方，然後你先醒覺佢係鵪鶉，呢個時候已經太遲啦......
